Бошқа мавзулар2019 йилнинг 24 сентябрь куни Сурхондарё вилояти ҳокимлигида ҳокимлик аппарати ходимлари ҳамда ҳокимликнинг иқтисодиёт ва тадбиркорлик масалалари бўйича мажмуасига қарашли ташкилотлар раҳбарлари, шунингдек, Ўзбекистон Республикаси Президенти Администрацияси шўъба мудири Абдулла Турсунов иштирокида йиғилиш ўтказилди. Йиғилишни вилоят ҳокими Тўра Боболов бошқариб борди.
Йиғилишда ташкилий масала кўрилди. 2019 йилнинг май ойидан буён Сурхондарё вилояти ҳокимининг иқтисодиёт ва тадбиркорлик масалалари бўйича биринчи ўринбосари вазифасини бажариб келаётган Пардаев Рустам Убодуллаевич ушбу лавозимга доимий асосда тайинланди.
Маълумот ўрнида, Пардаев Рустам Убодуллаевич 1979 йилнинг 7 апрелида Қизириқ туманида туғилган. 2006 йилда Тошкент давлат иқтисодиёт университетини тамомлаган. Турли йилларда “Микрокредитбанк” очиқ акциядорлик тижорат банки Жарқўрғон тумани, Сурхондарё вилояти филиаллари раҳбари, вилоят Инвестициялар ва ташқи савдо бошқармаси бошлиғи лавозимларида ишлаган.
