Британия ва АҚШ Киевдаги айрим дипломатлар Украинани тарк этишини эълон қилди. Британия Ташқи ишлар вазирлиги 24-январь куни Британиянинг Киевдаги элчихонасининг айрим ходимлари ва уларнинг оилаларини чиқариб юбориш қарорига “Россия томонидан таҳдидларнинг кучайиши” сабаб бўлганини айтди.
Бир кун аввал АҚШ Давлат департаменти Киевдаги элчихонада ишлаган дипломатларнинг оилаларига мамлакатни тарк этишни тавсия қилган эди. Департамент вакилининг айтишича, агар Вашингтон ўз фуқароларини эвакуация қила олмаса, Россия “исталган вақтда” Украина ҳудудига бостириб кириши мумкин.
Украина Ташқи ишлар вазирлиги АҚШнинг қарорини “ҳаддан ташқари эҳтиёткорлик” деб атади. Европа Иттифоқи давлатлари ўз дипломатларини чиқариб олиш режаси йўқлигини маҳкаманинг, ташқи сиёсат бўйича вакили Жосеп Боррел душанба куни айтди.
Сўнгги ойларда АҚШ, НАТО ва Киев Украина яқинида юз минглаб рус қўшинлари жойлаштирилишидан хавотир билдириб, Москва яқин орада Украинага бостириб кириши мумкинлигидан огоҳлантириб келмоқда.
Россия ҳарбий ҳаракатларга тайёрланаётганини рад этади. Шу билан бирга, Москва НАТОдан Украинани ҳарбий алянс аъзоси сифатида қабул олмасликни талаб қилмоқда.