Бошқа мавзуларЮНИСЕФ Африкадаги 20 миллиондан ортиқ одам кейинги олти ой ичида сув ва озиқ-овқатга муҳтож бўлишини эълон қилди.
ЮНИСЕФнинг Шарқий ва Жанубий Африкадаги минтақавий директори Муҳаммад Малик Фолл журналистларга Эритрея, Эфиопия, Кения ва Сомалида гуманитар инқироз кучайиб бораётганини маълум қилди.
“Кейинги олти ой ичида Эритрея, Эфиопия, Кения ва Сомалидаги 20 миллиондан ортиқ одам шошилинч инсонпарварлик ёрдамига муҳтож бўлади”, деди Фолл.
Унинг сўзларига кўра, минтақада сўнгги 40 йилдан буён такрорланмаган ушбу вазият қурғоқчилик ва озиқ-овқат тақчиллигига олиб келди, одамлар сувга, озиқ-овқатга муҳтожликдан, ундан келиб чиқадиган эпидемиядан сақланиш учун кўчиб кетмоқда. Шунингдек уй ҳайвонлари нобуд бўлаётганини таъкидлаб ўтди.
Эритрея, Эфиопия, Кения ва Сомалидаги қурғоқчилик 5,5 миллион болани очликка дучор қилганини айтган Фол: «Агар келгуси уч ой ичида ёмғир ёғмаса, бу рақам икки баробарга ортади», — деб қўшимча қилди.
