Венесуэла президенти Николас Мадуро Россия президенти Владимир Путиннинг Украина ҳақидаги сўзларини қўллаб-қувватлади.
Давлат телевидениеси орқали чиқиш қилган Мадуро рус халқи билан дўстлик абадий давом этишини маълум қилди. “Венесуэла Путин ва Россияга ҳар томонлама ёрдам беради. Биз дунёдаги мард ва адолатли курашларни қўллаб-қувватлаш учун энг яқин иттифоқчи бўламиз”, деди у.
Мадуро, “АҚШ ва НАТО Россияни ҳарбий йўл билан йўқ қилиш ниятида” деб, Россия минтақадаги тинчликни тарафдори эканини қўшимча қилди.
Ўтган ҳафта Каракасда Россия Бош вазири ўринбосари Юрий Борисовни қабул қилган Мадуро, “Венесуэла ҳар доим Путин билан, Россия билан, рус халқи билан бирга бўлади” деган эди.