“Ҳокимият вакиллари мулк эгаларига қўпол муносабатда бўлмоқда”

Олий Мажлис Сенатининг ўн саккизинчи ялпи мажлисида маъруза қилган Инсон ҳуқуқлари бўйича вакили (Омбудсман) Улуғбек Муҳаммадиев 2018 йилда Омбудсман манзилига сиёсий ҳуқуқ ва эркинликлар бўйича фуқаролардан 251 мурожаат тушганини қайд этди, деб хабар бермоқда «ЎзА».

Улар асосан Ўзбекистон Республикаси фуқаролигини олиш ва ундан чиқиш билан боғлиқ. Фуқароларнинг мурожаат ҳуқуқларига ҳам қатъий риоя этилмади. Чунки 52 шикоятда мурожаатни кўриб чиқиш муддати бузилгани, 110 шикоятда фуқаро давлат органлари ва муассасалари жавобларининг мазмунидан қониқмагани маълум қилинган.

Омбудсман манзилига инсон ва фуқаронинг иқтисодий ҳуқуқ ва эркинликларини таъминлаш билан боғлиқ 2 минг 660 мурожаат тушган. Парламент назорати субъекти сифатида Вакил томонидан 512шикоят назорат тартибида кўриб чиқилган. Натижада фуқаролик ва иқтисодий ишлар бўйича судлар қарорларига 6 та протест, иш ҳақини тўлаш тўғрисида судларга 2 та даъво киритилган.

16 нафар фуқарога иш ҳақи тўланиши таъминланиб, 11 нафар фуқаро ишига тикланган. Умумий қиймати 12 миллион сўмлик кредитни расмийлаштиришда ва 4 нафар мурожаат этувчига фермер хўжалигини ривожлантириш учун ер участкаси ажратишда ёрдам кўрсатилган. Давлат даромадига 3 миллион сўм, мурожаат қилган фуқаролар фойдасига 149,8 миллион сўм ундирилган.

Маърузачи ўз сўзида маҳаллий ҳокимият органлари вакилларининг мулк эгаларига кўп ҳолатда қўпол муносабатда бўлиши аҳолининг ижтимоий кайфиятига путур етказувчи омил бўлаётганини таъкидлаган. Бу эса халқ билан мулоқотни ривожлантириш ва тадбиркорларни қўллаб-қувватлаш чораларига зид ҳолатдир. Шу билан бирга, жойларда тадбиркорлик ва фермерликни ривожлантириш йўлида тўсиқлар сақланиб қолмоқда. Бу Омбудсманга келаётган шикоятларда акс этмоқда. Шунингдек, уларда маҳаллий ҳокимият ва назорат органларининг тадбиркорлик субъектлари фаолиятига асоссиз аралашуви, ҳужжатларни расмийлаштиришдаги бюрократик тўсиқлар, ишлаб чиқаришни, фермер хўжалигини яратиш ёки кенгайтириш учун ер майдонлари олишнинг амалда қийинлиги ҳам баён қилинмоқда.

 

Бўлишинг:

Муҳаррир танлови

Энди артистлар тўйдан топган даромадидан солиқ тўлайди

2020 йил 1 январдан қўшиқчилар, ҳа, ўша бирровга бориб, кўкида оладиганлар даромадидан солиқ тўлайди. Холис фикр каналининг манбасига кўра, ҳукумат даражасида бўлиб ўтган ...

Ўзбекистон олтин конларини қидириш учун тўртта инвесторни жалб этди

Ўзбекистон Республикаси Геология ва минерал ресурслар бўйича давлат қўмитаси 2017 йилда ўнта олтин қазиб олинувчи конлар ҳудудларини ўзлаштириш истиқболларини ўрганиш учун ...

Ўзбекистон фуқароси жаҳон банки ходимига пора беришга уринди

Ўзбекистон фуқароси ва "Fides Solutions" компанияси Жаҳон банки ходимига пора беришда айбланмоқда. Бу ҳақда Бутунжаҳон банкининг расмий сайтидаги хабарга асосланиб “Соф.уз” ...