Бошқа мавзуларРоссиянинг 24-февралдаги қуролли ҳужумидан кейин мамлакатни тарк этган украиналиклар сони 400 мингга етди. Бу маълумотни БМТнинг қочқинлар бўйича олий комиссарлиги маълум қилди.
Украина ҳукуматининг 27-февралдаги маълумотларига кўра, мамлакатни тарк этганлар сони 368 мингдан ошган ва тобора ортиб бораётгани айтилмоқда.
Европа Иттифоқининг инқирозларни бошқариш бўйича комиссари Янез Ленарчич 27-февралда Россиянинг Украинага қарши уруши “етти миллиондан ортиқ одамни” жой алмаштиришига мажбур қилиши мумкинлигини айтди.
Россия 24-февралда Украинага бостириб кирди. Уч кундан бери Россия армияси бутун Украинани ўққа тутиб, бомбардимон қилмоқда. Энг даҳшатли ҳужум Киевга қилинмоқда.
