Бошқа мавзулар“Россия қўшинлари Мариупол ҳудудий шифохонасининг тиббиёт ходимлари ва беморларини гаровга олди”, — деди Донецк вилояти ҳарбий бошқармаси раҳбари Павел Кириленко.
Мариупол шаҳри икки ҳафтадан ортиқ вақтдан бери рус қўшинлари томонидан қамалда бўлмоқда. Шаҳар ҳар икки томондан қисилиб, рус қўшинлари аҳолининг ташқарига чиқармай, инсонпарварлик ёрдамларини, хусусан, озиқ-овқат етказиб беришга тўсқинлик қилмоқда. Қамалдаги шаҳарда на электр, на иссиқлик, на тоза сув бор.
“Касалхона ходимларидан бири хабар тарқатишга муваффақ бўлди. “Касалхонадан чиқишнинг иложи йўқ. Отишмоқда, ертўлада ўтирибмиз. Икки кундан бери машиналар касалхонага етиб бора олмаяпти. Атрофимизда кўп қаватли бинолар ёнмоқда. Руслар касалхонамизга қўшни уйлардан 400 кишини олиб келишди. Биз ташқарига чиқа олмаяпмиз ”, деди Павел Кириленко.
Маҳаллий ҳокимият маълумотларига кўра, Мариупол ҳар куни артиллерия, «Град» ва миномётлардан ўққа тутилиб, деярли уйлар қолмаган. Ҳарбий экспертларнинг таъкидлашича, оғир блокадани Россия қўшинлари Азов денгизи соҳилидаги стратегик муҳим ҳудуддан воз кечишни талаб қилиб, тинчлик музокараларида Украинага босим ўтказиш мақсадида ташкил қилган.
