Бошқа мавзуларҚирғизистон президенти Садир Жапаров ўз портретини ҳукумат бинолари ёки идораларига осиб қўймасликни сўранди. Бу ҳақда президентнинг матбуот котиби Галина Байтерек маълум қилди.
“Президент Садир Жапаров ҳозир мамлакатдаги вазиятни яхшилаш учун ҳеч нарса қилмадим деб ҳисоблайди. Шунинг учун президент барча давлат идораларидан унинг портретини осмасликни сўрамоқда. Портрет осмоқчи бўлганлар мамлакатни мустаҳкамлашга хизмат қилган Жусуп Абдраҳмонов ва Исхоқ Раззоқов каби давлат арбобларининг суратларини осиб қўйишлари мумкин”, — деди Байтерек.
Эслатиб ўтамиз, аввалроқ президентнинг Ўшдаги қароргоҳининг директори Санжарбек Тўлўнбоев ўз кабинетида Садир Жапаровнинг сурати тўқилган гиламни жойлагани ижтимоий тармоқларда кенг муҳокама қилинган эди. Санжарбек Тўлўнбаевнинг айтишича, гилам Жапаров қамоқда бўлганида тўқилган.
