Бошқа мавзуларЕврокомиссия Россиянинг Калининград вилоятига фақат Европа Иттифоқи ҳудуди орқали автомобилда юк ташиш тақиқлангани, юкларни темир йўл орқали етказиш текширувдан сўнг амалга оширилиши мумкинлигини маълум қилди. Ҳарбий юкларни ва қурол-яроғ билан боғлиқ товарларни барча транспорт турлари билан олиб ўтиш мумкин эмас.
Россия ҳукумати Еврокомиссия қарорларига ҳозирча изоҳ бермади. Ташқи ишлар вазирлиги вакили Мария Захарованинг айтишича, агентлик ҳали эълон қилинган ҳужжатни ўрганишни тугатмаган.
Калининград вилояти Литва ва Польша ўртасида жойлашган ва амалда Россиянинг асосий қисми билан боғлиқ бўлмаган эксклав ҳисобланади. Июнь ойининг ўрталаридан бошлаб Литва вилоятга темир йўл орқали юк ташишни тўсиб қўйган. Турли манбаларга кўра, чеклов ушбу ҳудудга кирувчи юкларнинг 40-60 фоизини ўз ичига олган.
Россия ҳукумати шу муносабат билан Литвага эътироз билдириб, улар ҳам «жавоб чоралари»га дуч келишидан огоҳлантирган. Литва раҳбарияти ўз қарорини Москванинг Украинага ҳужуми туфайли Европа Иттифоқи ва бошқа мамлакатларнинг Россияга қарши санкцияларини бажаришга уриниш сифатида баҳолади.
