Бошқа мавзулар
Халқаро Валюта Фондининг башоратларига кўра, 2015 йилда Туркманистон ялпи миллий маҳсулоти кўрсаткичлари 9 фоизни ташкил қилади. Бу ҳақдаги матбуот хабарномаси ташкилотнинг расмий веб-сайтида эълон қилинди.
Хабарномада таъкидланишича, 2014 йилда Туркманистоннинг ушбу кўрсаткичи 10.3 фоизни ташкил қилган бўлиб, мамлакат иқтисодиёти давлат инвестициялари ва углеводород ресурслари экспорти ҳисобига минтақавий бозордаги салбий ўзгаришларга чидамли ҳолатда эди. Жорий йилда эса давлат инвестицияларининг ҳамда экспорт ҳажмининг қисқариши оқибатида ялпи миллий маҳсулот кўрсаткичлари бироз пасаяди ва 9 фоизни ташкил этади. Шунингдек, инфляция суръати 6-6.5 фоизни ташкил қилади.
Айни пайтда, Фонд таҳлилчиларининг фикрича, кейинги йилларда экспорт ҳажми ўсиб боради ва юқори кўрсаткичлар яна тикланади, фойдали қазилмалар ва углеводород ресурслари захираси эса импортни ва қисқа муддатли қарздорликни қоплашга етарли даражада туради.
