“Эшитиб қўйинглар, тошлоқликлар! Яна бечора вилоятликлар 80 миллион сўм ҳомийлик қилишга мажбур бўлди. Ҳар бири учун 5 миллион сўмдан. Буни таъна қилиш учун гапираётганим йўқ”, деди Фарғона вилоят ҳокими Шуҳрат Ғаниев.
Мақола ozodlik.org сайтидан олинди
Ҳокимнинг бу баёноти у Ақтўбе фожиасидан сўнг ўтказган селектор йиғилишида янграгани ижтимоий тармоқларда тарқаб кетган аудиоёзувда акс этган.
Йиғилишда вилоят ҳокими Тошлоқ туман аҳолисиниФарғона вилоятини республикада шарманда қилишда айблаган. Ҳоким ўз айбловларини қўпол сўзлар билан ифодалаб, тошлоқликларни Ҳаж зиёратига боришдан маҳрум қилган.
Ақтўбе фожиасида ҳалок бўлган 52 ўзбекистонликнинг 16 нафари Тошлоқ туманидан эди.
Ҳоким тошлоқликларнинг 2005 йилда митинг қилганини ҳам эслаб ўтган.
“Митинг қилган ҳам шулар бўлади, 2005 йилда ички ишлар ходимларини тош отиб қувлаганлар шу ҳаромилар эди. Қаралмаса, шунақа бўлади”, дейди ҳоким.
“20 ёшар, 22 ёшар, уйланмаган йигитлар кетаверадими? Ота-онаси нима деяпти, карахтми улар? Энди бечора участка нозири айбдор қилинади. Маҳалладагилар турибди тишини ковлаб”, деган Шуҳрат Ғаниев.