Бошқа мавзулар
Россиянинг асосий хавфи бу унинг орқада қолганидир. Шароитни ӯзгартириб, ривожланиш керак, деди Россия президенти Владимир Путин Бу ҳақида РИА Новости хабар тарқатмоқда.
Президент «Бизнинг асосий душманимиз ҳамда бизга хавф-хатар солаётган асосий нарса – орқада қолганимиздир. Тез орада ӯзимизни ӯнглаб олмасак, у ҳолда орқада қолишда давом этаверамиз. Бу худди сурункали касалликка ӯхшайди, борган сари аъзоларимиз ич-ичдан емирилаверади» — деган Федерал йиғилишдаги Мурожаатида.
«Ӯз кучимиз билан олдинга томон одимлайлик.Ӯз келажагимизни ӯзимиз аниқлашимиз шарт», дея қӯшимча қилган В. Путин.
Аммо ички сиёсатда тилка-пораси чиқаётган Россия давлати ташқи сиёсатда ӯзини қудратли давлат сифатида намойиш қилишга чек қӯймаяпти.
Россия, айниқса, Марказий Осиё давлатлари устидан ҳукмронлик қилиш ғоясидан заррача воз кечолмаётир.
Бироқ Марказий Осиё давлатлари Россиянинг ӯзларига нисбатан позицияси моҳиятини теран англай бошлади.
Муаллиф: Рӯзибой Азимий
