Остонада уй қимматлади

Қозоғистон Республикаси Статистика қўмитасининг маълумотларига кўра, жорий йилнинг апрель ойида ўтган йилнинг худди шу ойи билан солиштирилганда Остонада квартира нархи қимматлади, дея хабар тарқатмоқда Вaq.kz ахборот агентлиги.

Пойтахтда қурилаётган уй нархи 5.7 %, иккинчи даражали уй-жой нархи қиймати эса 3.6 % ошган.

Алматида бу кўрсаткич 4.6 ва 0.9 %ни ташкил этади.

Қозоғистон бўйича кўп қаватли уй-жойларни қайта сотиш нархи 1.1 % пасайган бўлса, янги квартиралар қиймати, аксинча, 2.0 % қимматлаган.

Март ойи билан солиштирилганда апрелда мамлакатда янги уй-жойларнинг 1 квадрат метри 263.1 минг тенге, иккинчи даражадаги квартиралар нархи 186.2 минг тенге (0.2 %) бўлди.

Қозоғистонда энг қиммат янги уйлар Остонада (бир квадрат метр нархи 332.7 минг тенге), Атирауда (326.3 минг тенге) ва Алматида (325.6 минг тенге) бўлса, энг арзон янги квартиралар Тарозда (116 минг тенге), Қизилўрдада (141 минг тенге) ва Толдиқўрғонда (141.2 минг тенге) жойлашган.

Демак, Ўзбекистон пойтахти Тошкент шаҳридаги энг қиммат уйларнинг нархи қўшни Қозоғистондаги уй-жой энг арзон бўлган вилоятлардан ҳам арзон экан.

Муаллиф: Рўзибой Азимий