ЭЪТИБОРСИЗЛИК – ҲАЛОКАТНИНГ ИЛК МАНЗИЛИ

Аччиқ бўлса-да, ҳақиқатни тан олишга тўғри келади: бугун ҳамма оилада ҳам соғлом муҳит ҳукмрон эмас. Ота-оналаримиз гарданидаги масъулиятни унутгани туфайли фарзандлари ноқобил бўлиб вояга етмоқда. Бу эса жиноятчиликка йўл очиб бераётир.

Фото:vladtime.ru

Бухоролик вояга етмаган йигитлар – Аслон Ҳакимов, Шерали Маликжонов, Жобир Қобилов, Аҳад Акрамов (исм-шарифлар ўзгартирилган) ўйламай қадам босиб, муштумзўрлар сафига кирди. Бирор ҳунарнинг этагидан тутиб, жамиятга наф келтириш, юрт равнақига ҳисса қўшиш ўрнида жиноят йўлини маъқул топиб, суднинг қора курсисига ўтирди.

Безорилар билан Толибжон Болтаев ҳамда тенгқури Қодир Жўраев ўртасида гап қочади. Оқибатда жанжал кўтарилиб, тўртовлон икки ҳамроҳни аёвсиз дўппослайди ва оғир тан жароҳати етказади.

 

Ўзи ҳам бир-икки мушт еган Жобир Қобилов  воқеа жойидан ғойиб бўлиб, бироздан кейин отасини бошлаб келади. “Қодир мени урди!”-дея бегуноҳга туҳмат қилади. Аммо ота жанжални тинчитиш пайига тушмайди, аксинча, Қодирнинг қўлидан ушлаб, бошқаларни уришга даъват этади. Суянч тоғи борлигидан фойдаланган ғўр ўғил яна Қодирга ташланади. Ниҳоят, жабрланувчи ҳушини йўқотади.

 

Суриштирувлар давомида жанжал телефонни қувватлантириш мосламаси сабаб келиб чиққани маълум бўлди. Тўғри, муштумзўрлар ўз қилмишига яраша жазоланди.

Аммо Бухоро автомобиль ва йўллар коллежи ўқувчиларининг арзимас нарсани, деб жиноятга қўл ургани ўша наврасталар тарбия топган оила ҳамда таълим олаётган ўқув масканида маънавий муҳит бузилгани кишини баттар хавотирга солади.

 

Эътиборсизлик, бемеҳрлик оқибатида боланинг қалби яраланиши ҳеч гап эмас. Бора-бора оғриқ зўрайиб, заҳарга айланиши ҳам мумкин.

 

Бекзод Тошев,

Жиноят ишлари бўйича Бухоро шаҳар суди судьяси,

Лайло Ҳайитова, журналист.

Бўлишинг:

Муҳаррир танлови

Усмонхон алимов муфтийлик лавозимидан олинди

Ўзбекистон Мусулмонлари идораси раиси, муфтий Усмонхон Алимов эгаллаб турган лавозимидан озод қилинган. Бу ҳақда «Azon.uz» портали хабар берди.  «Муфтий Усмонхон Алимов, ...

Ўқитувчилар иш ҳақи янги йилда қанчага ошади?

Молия вазирлигининг «Фуқаролар учун 2019 йил бюджети» лойиҳасида ўқитувчиларнинг иш ҳақи оширилиши жадвали ҳам киритилган. Бу ҳақда «Маърифат» газетаси хабар берди. Унга ...

Ўзбекистонда чақалоғини кўлга ташлаб кетган аёл коллеж ўқувчиси бўлиб чиқди

Сурхондарёнинг Қизириқ туманида чақалоғини бўғиб ўлдириб¸ кўлга ташлаб кетгани гумонланаётган аёл қўлга олинган. Сурхондарё вилояти ҳуқуқ-тартибот идораларидаги Озодлик ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400