Бошқа мавзулар20 ноябрь куни Халқ депутатлари Тўрткўл туман кенгашининг навбатдан ташқари сессиясида Янгабой Бабаджанов Тўрткўл тумани ҳокими этиб тайинланди. Бу ҳақда Тўркўл тумани ҳокимлиги Turon24га маълум қилди.
Янгабой Бабаджанов шу вақтгача Қашқадарё вилояти прокурори ўринбосари лавозимида фаолият олиб бораётган эди. У Қорақалпоғистон Республикаси прокурорининг ўринбосари бўлиб ҳам ишлаган.
Сессияда Қорақалпоғистон Республикаси Жўқорғи Кенгеси раиси Мусо Ерниязов ва Ўзбекистон Бош прокурори Отабек Муродов ҳам қатнашган.
Шу вақтгача 2017 йилнинг декабрь ойидан буён Неъматулла Худойберганов Тўрткўл туманига раҳбарлик қилиб келаётган эди. Тўрткўл тумани ҳокимилиги мутахассисининг Turon24га маълум қилишича, Н.Худойбергановнинг ҳозирча қайси ишга ўтгани аниқ эмас. У 19 йил давомида (1998-2017 йиллар) Қорақалпоғистон Республикасининг Элликқалъа туманида ҳоким бўлган. Сирдарё вилояти қишлоқ ва сув хўжалиги бошқармаси раҳбари сифатида бир муддат ишлаган.
