“БИРДАМЛИК”НИНГ ФАХРИЙ АЪЗОСИ БОТИР НОРБОЕВ ОЛАМДАН ЎТДИ

Профессор Ботир Норбоев фақат адабиётшунос олим эмас, профессионал сиёсатчи, довюрак мухолифат вакили ҳам эди. Ботир ака Ўзбекистон ҳали ўз мустақиллигини қўлга киритмаган бир пайтда собиқ СССР сиёсатига қарши чиққан, Ўзбекистон мустақиллиги учун курашган ўзбек халқининг қаҳрамон ва жасур ўғлони эди. Лекин, афсуски, юртимиз мустақиллигига бутунлай қарши бўлган марҳум президент Каримов ва унинг атрофидаги шахслар Ўзбекистоннинг ўз мустақиллигини эълон қилиши учун курашган Ботир Норбоевни юртимизга сиғдиришмади. Ботир Норбоев мустақил Ўзбекистондан чиқиб кетишга мажбур бўлди. Олим мамлакатни тарк этган дастлабки йилларида қўшни Қозоғистондаги олий ўқув юртларидан бирида ёш авлодга сабоқ берди. Ботир ака, илмий ва ижодий ишлар билан шуғулланиб қолмай, сиёсат билан ҳам жиддий равишда шуғулланди. Сиёсат оламида ҳар томонлама пишиб етилган Ботир Норбоев 2011-2016 йилларда “Бирдамлик” ХДҲ аъзоси сифатида фаол ва диққатга сазовор ишлар қилди. У “Бирдамлик”нинг 2014 йил апрель ойида АҚШнинг Сент-Льюс шаҳрида бўлиб ўтган қурултойида фахрий аъзо сифатида иштирок этиб, катта минбарда Ўзбекистондаги сиёсий аҳволни очиқ-ойдин танқид қилди. Ботир ака Норбоев “Бирдамлик” ХДҲ фаолиятини янада ривожлантириш, халқ ичига чуқур кириб бориш йўлларига доир маслаҳатларини биздан ҳеч қачон дариғ тутмаган ажойиб маслаҳатгўй, ширинсухан инсон эдилар. Ботир Норбоев ташаббуси билан Қозоғистоннинг собиқ Жанубий Қозоғистон, ҳозирги Туркистон вилоятида “Туркистон тонги” газетасига асос солинди. “Бирдамлик” ХДҲ ҳомийлиги ва муассислигида ўзбек, қозоқ ва рус тилларида чоп этилган ушбу газетада “Бирдамлик” ҳаракати фаолияти ёритилибгина қолмасдан, ўткир сиёсий, ижтимоий, маънавий-маданий, бадиий ва илмий мақолалар ҳам мунтазам равишда ёритилиб борилди. Ботир Норбоев ўзининг долзарб мақолалари ва салмоқли фикрлари билан “Birdamlik” сайтини янада ўқимишли қилишга катта ҳисса қўшди. Бугун Ботир ака Норбоев орамизда йўқ. Устозимиз 72 ёшида бу дунёни тарк этдилар. Жойингиз жаннат, охиратингиз обод бўлсин.

 

Баҳодир Хон Туркистон,

“Бирдамлик” ХДП раиси

Бўлишинг:

Муҳаррир танлови

«бирдамлик» халқ демократик партияси 15 ёшда!

Ўзбек халқида «Бўладиган бола 15 ёшда бошман дейди, бўлмайдиган бола эллик ёшда ёшман дейди», деган пурмаъно мақол бор. Бугун ўзининг 15 ёшини нишонлаётган «Бирдамлик» Халқ ...

“бирдамлик” халқ демократик ҳаракатининг дастури

ХАЛҚ ҲОКИМИЯТИ, ИНСОН ҲУҚУҚЛАРИ ЗАМИНИДАГИ, ОЗОД ВА ФАРОВОН ЎЗБЕКИСТОН УЧУН!     ЎЗБЕКИСТОН “БИРДАМЛИК” ХАЛҚ ДЕМОКРАТИК ҲАРАКАТИНИНГ ДАСТУРИ   МУҚАДДИМА Биз, жонажон ...

Европада хавфсизлик ва ҳамкорлик ташкилоти (ехҳт)

Жорий йилнинг 16 сентябридан буён давом этаётган Варшавадаги ЕХҲТнинг навбатдаги йиллик анжуманида иштирок этиш учун Ўзбекистонлик бир гуруҳ фуқаролик жамияти вакиллари билан ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400