Бошқа мавзуларЖорий йилнинг 1 декабрь куни Манила шаҳрида Осиё теннис федерациясининг йиллик конгресси бўлиб ўтди, деб хабар бермоқда Ўзбекистон Теннис федерацияси матбуот хизмати.
Конгрессда Халқаро теннис федерацияси президенти Дэвид Хаггерти фахрий меҳмон сифатида иштирок этди. У ушбу маросимда Ўзбекистон Теннис федерациясига «Жаҳон тенниси ривожланишидаги улкан юксалиш учун» махсус мукофотини топширди.
Бундан ташқари, Ўзбекистон Теннис федерацияси президенти Рустам Иноятовга «Ўзбекистон теннисининг ривожига қўшган беқиёс ҳиссаси ва теннисга кўп йиллик садоқати учун» алоҳида махсус мукофоти топширилди.
