Арманистонда иқтисодий инқилоб бошланди

Арманистон бош вазири Никол Пашиняннинг маълум қилишича, янги ҳукумат дастури амалга оширилиши мамлакатда иқтисодий инқилобни бошлаб беради. Бу ҳақда ТАССга таяниб “Кун.уз”  хабар қилмоқда.

Пашиняннинг билдиришича, янги иқтисодий дастур Арманистондаги «бахмал инқилоби»ни давом эттиради. Унинг асосий вазифаси – фуқаролар учун имкониятлар яратиш ва уларни ушбу имкониятлардан фойдаланишга рағбатлантириш. «Бизнинг концептуал ёндашувимиз учун шу нарса ўта муҳим аҳамиятга эгаки, биз иқтисодий инқилоб концепциясини эълон қилдик», – деди у.

14 январь куни Никол Пашинян яна Арманистон бош вазири бўлди. Унинг тайинланиши мамлакат президенти Армен Саркисян томонидан тасдиқланди. Пашиняннинг номзодини «Менинг қадамим» фракцияси (Миллий йиғилишда 132 ўриндан 88таси) илгари сурди.

Арманистон Миллий мажлисига навбатдан ташқари сайловлар 2018 йилнинг 9 декабрь куни бўлиб ўтди. Уларда етакчиси Никол Пашинян бўлган «Менинг қадамим» иттифоқи (70,43 фоиз овоз) ғалаба қозонди. Шунингдек, сайловлар якунлари бўйича парламентга «Фаровон Арманистон» партияси (8,26 фоиз овоз ва парламентдаги 26 ўрин) ҳамда «Маърифатли Арманистон» (6,37 фоиз овоз ва 18 ўрин) кирди.

Никол Пашинян 2018 йил 8 майдан 16 октябргача Арманистон бош вазири лавозимида ишлади. Истеъфога чиқиб, у буни Миллий мажлиснинг тарқатиб юборилиши ва навбатдан ташқари парламент сайловларини ўтказиш учун қилаётганини билдирди. Шу билан бирга, 16 октябрдан 14 январгача у республика бош вазири вазифасини вақтинчалик бажарди.

 

Бўлишинг:

Муҳаррир танлови

Ўзбекистонда «бюджет» ишчилари ёппасига пахтага чиқарилди

Жиззах, Самарқанд, Қашқадарё, Андижон, Тошкент вилоятларида мактаб, коллеж, лицей ўқитувчилари, боғча тарбиячиларининг пахта теримига ётоққа жўнатилаётгани хабар қилинмоқда. ...

Ақшнинг давлат қарзи 30 триллион доллардан ошди

Январь ойи охирига келиб АҚШнинг умумий давлат қарзи 30 триллион доллардан ошди. Бу ҳақда АҚШ молия вазирлиги ҳисоботида айтилади. 2020-йилнинг январида эълон қилинган ...

Қозоғистон украинанинг ҳудудий яхлитлигини қўллаб-қувватлашини билдирди

Қозоғистон Украинанинг ҳудудий яхлитлигини ҳурмат қилади. У Қримни Россиянинг бир қисми сифатида тан олмайди ва БМТнинг бу борадаги резолюцияларига амал қилади. Бу ҳақда ...