Бугун Москва шаҳрининг жануби-шарқий қисмида 10 киши иштирокида муштлашув бўлган, уларнинг барчаси Ўзбекистон фуқаролари экани айтилмоқда, деб ёзади телеграмдаги Zed News канали.
Хабарларга кўра, воқеа оқибатида 2 киши ҳалок бўлган. Иштирокчилардан бирининг укаси ҳақорат қилингани учун жанжал кўтарилган. Яна бир киши жароҳат олган.
1989 йилда туғилган шахс шифохонага етмасдан вафот этган, иккинчиси эса шифохонада жон берган. Ушбу ҳодиса юзасидан жиноий иш қўзғатилган.
Ҳалок бўлганларнинг шахси ҳақида маълумот берилмаган.