Матбуот хизматлари талаб даражасида ишламаяпти

Вазирлик ва идораларнинг матбуот хизмати талаб даражасида ишламаяпти, деб баёнот берди Комил Алламжонов. Ахборот ва оммавий коммуникациялар агентлиги директори Алламжоновнинг айтишича, бу соҳадаги муаммоларни бартараф этиш механизмлари ишлаб чиқилмоқда. Бу ҳақда Kun.uz нашри хабар бермоқда.

5 март куни Ахборот ва оммавий коммуникациялар агентлигида журналистика соҳасига оид ҳуқуқий-норматив актларга ўзгартириш киритиш орқали уларни такомиллаштириш бўйича давра суҳбати муҳокамалари бўлиб ўтмоқда.

«Агар журналистлар давлат ташкилотларидан маълумот олишда сунъий тўсиқлар ва муаммоларга дуч келса, Ахборот ва оммавий коммуникациялар агентлиги ўша ташкилот раҳбариятига тақдимнома киритиш ҳуқуқига эга», — дея таъкидлади Алламжонов.

Агентлик директори Ўзбекистонда ОАВ ҳуқуқларини кафолатлаш ва қонуний манфаатларини ҳимоя қилишни кучайтириш, давлат идораларининг ОАВ фаолиятига асоссиз аралашувидан огоҳлантириш, ОАВ ҳамда давлат идоралари, жисмоний, юридик шахслар ўртасидаги низоли ҳолатларни ҳал қилиш билан шуғулланувчи Медиа-омбудсмен институти таъсис этилишини маълум қилганди.

Шунингдек, 2019 йил 1 июнга қадар Ўзбекистон Республикаси журналистининг умумэътироф этилган миллий гувоҳномасини жорий этиш бўйича меъёрий-ҳуқуқий ҳужжатларни қабул қилиш режаланаётгани билдирилганди.

«Баъзи ташкилотларда матбуот котиби ваканцияси бўш эканлигини ҳам кўриш мумкин. Бу лавозимга кўпчилик қизиқмайди, чунки бу лавозимнинг нуфузи йўқ. Идора раҳбарияти матбуот хизмати билан мутлақо ҳисоблашмайди, ҳисоб. Ахборот сиёсатини юритишда матбуот котибларининг роли сезилмайди», — деб қўшимча қилади Алламжонов йиғилишда.

Эслатиб ўтамиз, Президент матбуот котиби лавозимида ишлаган Комил Алламжонов Президент Администрацияси ҳузуридаги Ахборот ва оммавий коммуникациялар агентлиги директори вазифасини бажарувчи лавозимига тайинланган.

 

Бўлишинг:

Муҳаррир танлови

Саид-абдулазиз юсупов пора билан қўлга олинди

10 май куни Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди директори Саид-Абдулазиз Юсупов ...

Ўзбекистонда нотариусларнинг 10 фоизи талабга жавоб бермайди

Адлия вазирлиги томонидан ҳар ярим йилда нотариусларнинг иш фаолияти сифатини баҳолаш тизими йўлга қўйилган, деб ёзмоқда  телеграмдаги «Ҳуқуқий ахборот»  канали. Иллюстратив ...

Ўзбекистонда аҳолини рўйхатга олиш тўғрисидаги қонун лойиҳаси эълон қилинди

Норматив-ҳуқуқий ҳужжатлар лойиҳалари муҳокамаси порталида «Аҳолини рўйхатга олиш тўғрисидаги Ўзбекистон Республикаси Қонуни» лойиҳаси жойлаштирилди. Бу ҳақда “Кун.уз” нашри ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400