Бошқа мавзуларҚозоғистоннинг “Хабар” давлат телевидениеси январь ойидаги зўравонликларга бағишланган ҳужжатли фильмида “тўполонлар бўйича ҳибсга олинганларнинг аксарияти “Яқин инкор” радикал гуруҳи тарафдорлари бўлганини айтди.
Қозоғистонда “Таблиғи жамоат” диний ташкилотининг бўлими бўлмиш “Яқин Инкар” фаолияти тақиқланган. Бу оқимдагилар ўзларини “пайғамбарга эргашувчилар” деб биладилар.
Январь ойидаги зўравонликларда камида 227 киши ҳалок бўлганини ҳукумат маълум қилган. Уларнинг рўйхати ҳали ҳанузгача эълон қилинмаган.
Президент Қосим-Жўмарт Тўқаев Олмаота ва мамлакатнинг бошқа ҳудудларида минглаб “террорчилик” ҳужумлари содир бўлгани айтган, бироқ ҳеч қандай далиллар келтирилган эмас.
Айни пайтда парламентнинг юқори палатаси собиқ президент Нурсултон Назарбоевнинг Қозоғистон Хавфсизлик кенгаши ва Халқ Ассамблеясини умрининг сўнгигача бошқаришга рухсат берувчи қонунни бекор қилди.
“Яқин инкор” диний ҳаракати Ўзбекистонда таъқиқланган қўшни Қирғизистонда эса 2017-йилда экстремистик деб тан олинган эди. Кейинроқ ўнлаб аъзолар ҳибсга олинди. Аввалроқ гуруҳ аъзолари ўз фарзандларига мактабга боришни ва телевизор кўришни тақиқлаган воқеалар қайд қилинган.
