Афғонистоннинг Нимроз минтақасида Толибон ва Эрон чегарачилари ўртасида отишма содир бўлди.
Толибон манбасига кўра, тўқнашувлар 7 март куни афғон деҳқонлари чегара бўйлаб ариқлар қазишни бошлаган пайтда авж олган. Эрон чегарачилари деҳқонларни тўхтатиш учун Афғонистонга кириб келган. Толиблар аралашиб, отишма вақтида толибларнинг машинаси ёниб кетди.
Норасмий хабарларга кўра, тўқнашувлар чоғида тўрт нафар эронлик чегарачи отиб ўлдирилган. Толибон томонидаги қурбонлар ҳақида маълумот йўқ. Худди шундай тўқнашувлар аввал ҳам Афғонистон-Эрон чегарасида содир бўлган.