Россия  Украинанин юзга яқин фуқаросини асирликда сақланмоқда

Россия қўшинлари жанглар бошланганидан бери 100 га яқин Украина фуқаросини гаровга олди. Бу ҳақда 24-март куни Украина бош вазири ўринбосари Ирина Верешук маълум қилди.

Унинг қайд этишича, улар орасида Змеиний оролини ҳимоя қилиш чоғида Россия томонидан қўлга олинган чегарачилар ва бошқа фуқаролар ҳам бор. Верешук Россия билан маҳбусларни алмашиш бўйича музокаралар олиб борилаётганини қўшимча қилди.

Аввалроқ Ирина Верешук Украинада 562 нафар россиялик аскарлар асирга олинганини маълум қилганди. Москва эса уларга 270 нафар украиналик аскар асирга олинганини маълум қилган, бироқ 500 дан ортиқ украиналик аскар асирда бўлиши мумкинлигини айтган.

Россия Мудофаа вазирлиги асирларнинг аниқ сонини ошкор қилмади. Фақатгина ташқи ишлар вазирлиги Москва ва Киев икки марта асир алмашганини айтди.

Россия президенти Владимир Путиннинг “Донбасс аҳолисини ҳимоя қилиш” ҳақидаги баёноти ортидан 24 февраль куни Россия қўшинлари Украинага бостириб кирди. Тўлиқ бир ойдан бери Украинанинг барча ҳудудларида отишма ва портлашлар давом этмоқда. Энг оғир ҳужумлар Киев, Харьков ва Мариупол шаҳарларида бўлмоқда. Соҳил бўйидаги Мариупол шаҳри Россия кучлари томонидан ҳар куни ҳужумга учрамоқда.

Уруш бошланганидан бери Украинада юзлаб одамлар ҳалок бўлди, 3 миллиондан ортиқ одам ўз уйини ташлаб кетишга мажбур бўлди.

 

Бўлишинг:

Муҳаррир танлови

Тошкентда кекса аёл автомойка ишчиси томонидан жинсий зўрланди

Фуқаро Фаррух Зайниддиновга нисбатан 1-1001-1904/241-сонли жиноят иши очилди. Сабаби, 1983 йилда Бухоро вилоятида туғилган 2 нафар фарзанднинг отаси бўлган, муқаддам ўғирлик, ...

Чустдаги мактаб муаллималари қурилиш ишларида жавлон уришмоқда. «ўз хоҳиши» билан…

Ўқитувчилар доимо жамиятнинг олди қаторларида барчага ўрнак бўлиб келишган. Улар менинг тасаввуримда ҳуқуқий саводхонлик даражаси юқори кишилар бўлиб, атрофдагиларга ўз ...

Техас: мактабдаги қуролли ҳужум оқибатида 18 ўқувчи ва ўқитувчи ҳалок бўлди

АҚШнинг Техас штатидаги Ювалд шаҳрида бошланғич мактабларнинг бирига 24-май куни уюштирилган қуролли ҳужумда камида 18 ўқувчи, бир ўқитувчи ва яна икки киши ҳалок бўлди. ...