БМТ Бош котиби Москвада Путин билан учрашди

April 27 2022, 02:04 ЖаҳонРоссияСиёсат

Москвада Россия президенти Владимир Путин ва БМТ Бош котиби Антониу Гутерриш ўртасидаги музокаралар бир соат давом этди.

Путин ва Гутерриш ёпиқ эшиклар ортида яккама-якка учрашган. Гутерришга ҳамроҳлик қилган вакилининг айтишича, БМТ бош котиби Россия президентини Украинадаги, жумладан Мариуполдаги вазиятни муҳокама қилишга чақирган.

Шу кунгача Гутерриш 2021-йилнинг май ойида коронавирус чекловлари юзасидан Путин билан видео алоқа орқали гаплашган эди.

БМТнинг раҳбари 25-апрелда Анқарага борган. Эртага, 28-апрелда у Киевга ташриф буюради.

Бўлишинг: