Россия кучларининг Одессага берган зарбасидан 17 киши ҳалок бўлди

Россия армиясининг Одесса вилояти жанубидаги тинч аҳоли истиқомат қилаётган уй ва дам олиш базасига зарба бериши оқибатида камида 17 киши ҳалок бўлди. Бу ҳақда Украина ҳукумати маълум қилиб, яна ўнлаб одамлар яралангани хабар қилинди.

Маълумотларга кўра, қутқарувчилар вайроналар остидан етти кишини қутқариб қолган.

«1-июль куни тунги соат бирларда Белгород-Днестр туманида тинч аҳоли истиқомат қилаётган тўққиз қаватли уй ракета отилиши оқибатида қисман қулаб тушди. Шунингдек, унинг ёнида жойлашган дўкон ҳам ёниб кетди», — дейилади расмий хабарда.Иккинчи ракета дам олиш базасига келиб тушган.

Россия бу борада изоҳ бермади.

30-июль куни Украина президенти Владимир Зеленский Украина қўшинлари Змейний оролини рус босқинчиларидан озод қилганини эълон қилган эди. Россия расмийлари оролни «яхши ниятини кўрсатиш учун» ўзлари тарк этганликларини эълон қилишди.

Мамлакат шарқида рус армияси Лисичанск шаҳрини ўққа тутишда давом этмоқда.

30-июнь куни Мадридда бўлиб ўтган НАТО саммитидан сўнг АҚШ президенти Жо Байден уруш Россиянинг ғалабаси билан тугамаслигини айтиб, «Биз Украинани қанча керак бўлса, шунча қўллаб-қувватлаймиз», – дея қўшимча қилди.

Шу куни Қўшма Штатлар Украинага қўшимча 800 миллион долларлик ҳарбий ёрдам беришини эълон қилди.

Бўлишинг:

Муҳаррир танлови

Сурия ҳукумати россия билан рублда савдо қилишга тайёр эканликларини билдирди

Суриянинг Россиядаги элчиси Риёд Ҳаддод Донецк Халқ Республикаси ва Луганск Халқ Республикасини тан олиш эҳтимоли борлигини, Россия билан рублда савдо қилишга тайёрлигини ...

Туркия россия самолётлари учун ҳаво ҳудудини ёпди

Туркия Сурияга учаётган Россиянинг ҳарбий ва фуқаровий самолётлари учун ҳаво ҳудудини ёпди. Бу ҳақда Туркия ташқи ишлар вазири Мевлут Чавушўғли 23-апрелда маълум қилди. ...

Россияда владимир путинга “қабр тоши” қўйган яна бир активист ҳибсга олинди

12 март куни Набережние Челни шаҳар суди Владимир Путинга «қабр тоши» қўйилган акцияда иштирок этган фаоллардан яна бир — 32 ёшли Николай Переседовни ҳибсга олди. Бу ҳақда ...