“Ўзбекэнерго” кечиккан қарзлар учун фоиз ундиради

Ўзбекэнерго” компаниясининг билдиришича, тўлов бўйича қарздор маиший истеъмолчилар тўлов муддати ўтган ҳар бир кун учун қарз суммасининг 0,1 фоизи миқдорида, лекин сумманинг 50 фоизидан кўп бўлмаган миқдорда пеня тўлайди.

Компания электр энергияси учун ҳақ тўлаш маиший истеъмолчи томонидан ҳисоб-китоб ойидан кейинги ойнинг 10-кунигача амалга оширилиши шартлигини таъкидламоқда.

Қонунчилик талабларига мувофиқ, 2015 йил январь ойидан бошлаб, муддати ўтказиб юборилган ҳар бир кун учун тўланмаган жами қарздорлик суммасига пеня ҳисобланади.

Электр энергияси учун ҳисоб-китоблар ҳолати тўғрисидаги маълумотни олиш юзасидан ҳудудий электр таъминоти корхонасига мурожаат этиш лозим.