Бошқа мавзулар
11 март куни Қирғизистон президенти Алмазбек Атамбаев Босния ва Герцеговина, Дания, Кипр Республикаси, Бруней, Фижи, Уммон, Индонезия, Чехия ва Аргентинанинг янги тайинлнган фавқулодда ва мухтор элчиларидан ишонч ёрлиқларини қабул қилиб олди.
Алмазбек Атамбаев элчиларни янги фаолият бошлаётгани билан табриклаб, Қирғизистон ўзаро манфаатли ҳамкорлик, энг аввало, савдо-иқтисодий ва инвестиция соҳаларидаги алоқаларни кенгайтиришга тайёр эканини таъкидлади.
“Бизнинг мамлакатда хорижий инвесторларни жалб этиш ва улар билан қўшма лойиҳаларни амалга ошириш учун етарли имкониятлар ва шароитлар мавжуд”. – деди у.
Шунингдек, президент Қирғизистон инвесторлар учун мутлақо ишончли эканини, бу ерда инвесторларни қўллаб-қувватлаш учун тегишли қонунлар қабул қилинганини айтди.
Қирғизистон раҳбари дипломатик миссиялар раҳбарларига муваффақият тилади.
