Бошқа мавзулар
Олмаота йирик иқтисодий марказ сифатида шаклланди ва замонавий Қозоғистоннинг жаҳон даражасидаги мегаполисига айланди. Бу ҳақда Қозоғистон президенти Нурсултон Назарбоев шаҳарга қилган амалий ташрифи якуни бўйича баёнот берди, дея хабар беради Оқўрда расмий сайти.
Қозоғистон раҳбариннг айтишича, мустақиллик йилларида шаҳар иқтисоди мунтазам ўсиб борди ва юқори чўққиларга етишди.
«Менга тақдим қилинган маълумотларга кўра, бугунги кунда Олма-Ота иқтисодиёти Грузия ЯИМдан икки баробар, Қирғизистон ва Тожикистон ЯИМдан беш баробар устун туради. Мана шу кўрсаткич нафақат шаҳар, балки мамлакатнинг муваффақиятли тарзда тараққий этаётганидан далолатдир», – деди президент ва бугунги кунда Олма-ота республика бюджетининг донори эканини ҳамда бутун республика бўйича кичик ва ўрта бизнеси яхши кўрсаткичларга эга эканлигини намойиш этаётганини ўз сўзига қўшимчақилди.
2016 йил якунларига бўйича Қирғизистон ЯИМ 458 млрд сомни ёки 6,6 млрд долларга яқинроқни ташкил қилди. Қирғизистон ЯИМ кўрсаткичи ЕАЭС мамлакатлари орасида энг пастлигича қолмоқда.
