Тошкентда Каримов буздирган кӯприк қайта қурилди

28 сентябрь куни кечқурун  Тошкентдаги энг катта кӯчалардан бири бӯлмиш Фарғона йӯли шоҳ кӯчасини Истиқбол кӯчаси орқали Амир Темир хиёбони билан боғлайдиган кӯприк очилди.

Мазкур кӯприк бундан ӯн йилларча олдин марҳум президент Ислом Каримовнинг буйруғига биноан бузиб ташланган эди.

Ушбу кӯприкнинг бузилишига сабаб сифатида халқ тили билан айтганда “”Президент трассаси”га халақит бериши кӯрсатилган эди. Тошкентликлар Каримов даврида бузилган ушбу кӯприкдан ташқари “Президент трассаси” билан кесишадиган 20 дан кӯп катта-кичик йӯллар ҳам ёпилганини, бундан ташқари, “трасса”ни кесиб ӯтувчи бир неча йӯналишдаги шаҳар йӯловчи ташиш автобуслари, жумладан, Тӯйтепа шаҳри – Амир Темир хиёбони йӯналиши бӯйича қатнайдиган автобуслар олиб ташланганини, бу эса аҳолининг яқинини узоқ қилганини, бир  қатор ноқулайликлар келтириб чиқарганини, йӯлларда тез-тез тирбандликлар пайдо қилганини, бунинг натижасида ҳар хил автоҳалокатлар содир бӯлиб турганини жуда яхши биладилар.

Каримов замонида ҳар қандай янгидан қурилган иншоот,  бино, иморат, боғ-роғлар, кӯприку сайилгоҳлар қурилишини бевосита ва билвосита марҳум президент номи билан боғлашарди. Бундай ишларга Юртбошини “ташаббускор”, “раҳнамо”, “асосчи” сифатида кӯрсатишарди ва албатта, бундай объектлар Каримов иштирокида очилиб, фойдаланишга топшириларди.

Янги очилган йўлдаги қатнов

Бу сафар эса эътиборга молик кӯприк ва янги йӯл юқоридан ҳеч қандай “ташаббускор” иштирокисиз очилди. Эндиликда янги очилган кӯприк туфайли масофа тахминан уч километрга қисқаради.

Бироқ мазкур кӯприкнинг қайта тикланиши юртимизда Каримовнинг барча хатоларига барҳам берилаётганини англатмайди. Чунки  мамлакатимизда айни чоғда Каримов даврида асос солинган ва “мустаҳкам қӯрғон”га айланган тузумнинг айрим чиркин иллатларига ҳалигача тӯла-тӯкис барҳам берилгани йӯқ, аксинча, сезиларли даражада жонланаётир. Бунга реал ҳаётдан бир неча мисоллар, жумладан, жуда чиройли гапларнинг ҳаётдаги ифодасини  келтириш мумкин.

Муаллиф:Рўзибой Азимий

Бўлишинг:

Муҳаррир танлови

Саакашвили сўроққа келишдан бош тортди

Грузия собиқ президенти, Одесса вилоятининг собиқ губернатори, Украинадаги “Янги кучлар исёни” ҳаракати раҳбари Михаил Саакашвили Украинада давлат тўнтариши борасидаги иш ...

Тожикистонни блокада қилиб миллиардлаб доллар фойдадан қуруқ қолганимиз…

Шу пайтгача Тожикистон ҳақида, уларга 20 йил давомида виза жорий этиб, уларни блокада қилиб қўйганимиз ҳақида нима ёзган бўлсам "қон-қардошлик", "жон-қардошлик"дан келиб ...

Мактабларда мажбурий форма 2024-2025 ўқув йилигача кечиктирилди

Ўзбекистон Республикаси Вазирлар Маҳкамасининг “Давлат умумий ўрта таълим муассасалари ўқувчиларини замонавий ягона мактаб формаси билан таъминлаш чора-тадбирлари тўғрисида” ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400