“Ўзтрансгаз” акционерлик жамиятининг матбуот котиби Лолахон Собирова тасдиқлашича, Шарифжон Турсунов “Ўзтрансгаз” акционерлик жамияти раиси лавозимидан бўшатилди. Бу ҳақда Turon24 нашри хабар бермоқда.
Уни нима сабабдан ишдан бўшатилганига аниқлик киритилмаган. “Бу ҳақда ҳеч қандай маълумот йўқ”, дейди Собирова.
Компаниянинг амалдаги раҳбари тайинланмаган.
Жорий йилнинг июлида Шарифжон Турсунов “Ўзтрансгаз” акциядорлик жамияти бошқарувига раис этиб тайинланган эди. Бунга қадар мажбурий ижро бюроси бўлим бошлиғи лавозимида фаолият кўрсатган.
“Ўзтрансгаз” акциядорлик жамиятининг асосий вазифаси республика истеъмолчиларини белгиланган тартибда табиий ва суюлтирилган газ билан узлуксиз таъминлаш ҳисобланади.