“Ravon” Россиядан 5219 та “Nexia R3” автомашинасини қайтариб олади. “Росстандарт” агентлигининг билдиришича, бунинг асосий сабаби рул шлангида юзага келган носозликдир, дея ёзмоқда “Турон24” нашри.
“Росстандарт” агентлигининг маълумотига кўра, қайтариб олинаётган автомобиллар 2017 йилнинг май ойидан 2018 йилнинг март ойигача бўлган даврда ишлаб чиқарилган автомобиллар ҳисобланади.
Шунингдек, “Ravon Моторс Рус” МЧЖнинг Россиядаги расмий вакиллари “Ravon Nexia R3” автомобили эгаларига юзага келган носозликни компаниянинг дилерлик устахоналарида бепул тузатиб беришни таклиф қилмоқда.