Бошқа мавзуларШу кунларда Тошкент шаҳрида ҳеч қандай асоссиз уйма-уй юриб хонадонларни текшириш, у ерда кимлар яшаётганини рўйхатга олиш баҳонасида «текшир-текшир» авж олди, деб ёзади “7news.uz” нашри.
Дам олиш кунлари бўлишига қарамай участка нозирлари ҳам Туман ИИО ФМБ ходимлари ўзларига тегишли ҳудуд бўлишига қарамай уйма-уй юриб асоссиз текширишмоқда.
2019 йилнинг 20 февраль куни Чилонзор тумани 20-даҳасида ўз ҳудудида хизмат вазифасини олиб бораётган катта лейтинант И.М. шу ердаги уйнинг хонадонларидан бирига бориб кимлар тургани билан қизиққан бир пайтида хонадонда истиқомат қиладиган бир неча нафар йигитлар томонидан калтакланган.
7-қаватдаги хонадонда истиқомат қилувчи йигитлар участка нозирининг бир ўзи келгани учун, қўшимча куч чақиришга улгурмаганидан фойдаланиб уни уришган ва унга тан жароҳати етказишган. Натижада участка нозири шифохонага олиб кетилган.
«7news.uz» нинг ишончли манбаси хабарига кўра, Тошкентдаги бозорлардан бирида савдо ишлари билан шуғулланиши айтилган йигитларнинг барчаси Қашқадарё вилоятидан бўлгани айтилмоқда.
Улар, ўша куннинг ўзидаёқ қўлга олинишган ва уларга нисбатан жиноят иши қўзғатилган.
