Бошқа мавзуларПокистон парламентининг қуйи палатаси бош вазир Имрон Хонга ишончсизлик билдириш учун 25-март куни йиғилади. Бу ҳақда қуйи палата спикери котибияти хабар берди.
Мухолифат партиялари иттифоқи шу ой бошида Хонга қарши қуйи палата спикери номига баёнот берган. Уларга кўра, бош вазирнинг “Теҳрик-и-Инсаф” партиясидан кўпчилик чиқиб кетганидан кейин бу сиёсий гуруҳ кўпчилик ўринни йўқотганини маълум қилишган.
Бир неча киши кетганидан кейин Имрон Хон партияси тузган коалицияда атиги 172 киши қолган. Мухолифат коалицияси 163 ўринга эга. Улар бош вазир партиясидан чиқиб кетганларни ҳам ўзига қўшиб олса, кўпчилик бўлиб қолиши мумкин.
Махсус митингда Имрон Хон ўз партиясини тарк этганларни қайтишга чақириб, агар қайтсалар авф этилишини айтиб баёнот берди.
Мухолифат бош вазирнинг иқтисодий ва ташқи сиёсатини танқид қилиб келган, аммо Хон бундай танқидларни рад этиб келмоқда. Сиёсий таҳлилчиларнинг башорат қилишича, бош вазир мамлакатнинг нуфузли армиясининг ишончини йўқотган, улар ҳам сиёсий қарорларга таъсир қилиши мумкин.
Имрон Хон 2018-йилдан бошлаб бош вазир вазифасини бажариб келмоқда. Қонунга кўра, унинг муддати 2023 йилда тугайди.
