Бошқа мавзуларБирлашган Миллатлар Ташкилотининг Халқаро Миграция Ташкилоти Ямандаги миграция бўйича ҳисоботини эълон қилди.
2022-йилнинг бошидан буён урушлар туфайли 16 мингга яқин яманлик қочқинга айлангани эълон қилинди. Халқаро Миграция Ташкилоти (ХМТ) Яманда давом этаётган можародан келиб чиққан миграция муаммолари ҳақидаги ҳисоботини эълон қилди. Ҳисоботга кўра, 2022-йилнинг 1-январидан 5-февралига қадар 2638 оила бошқа жойга кўчишга мажбур бўлган. Бу оилаларнинг умумий сони 15 828 нафар бўлиб, энг кўп муҳожирлар Мариб, Ал-Ҳудай ва Таиз шаҳарларида қайд қилинган.
Ташкилот декабрь ойидаги баёнотида мамлакатдаги 130 мингдан ортиқ муҳожирнинг гуманитар ёрдамга муҳтожлигини билдирган эди. Узоқ вақтдан бери сиёсий беқарорликдан азоб чекаётган Яман қарийб етти йилдан бери Эрон қўллаб-қувватлаётган ҳусийлар ва ҳукумат кучлари ўртасидаги тўқнашувларга майдон бўлмоқда.
