Россия Украинада ҳукуматни ағдариш ниятида эмас. Бу ҳақда ТИВ матбуот котиби Мария Захарова чоршанба кунги брифингда маълум қилди.
Уруш бошида президент Владимир Путин Украина аскарларини давлат тўнтаришини уюштиришга чақирган эди. У мамлакатнинг қонуний раҳбариятини “наркоман ва неонацистларнинг уюшган гуруҳи” деб атаган.
Захарованинг айтишича, уруш Донбассдаги россияпараст бўлгинчиларни ҳимоя қилиш, Украинани “демилитаризация” ва “экстремистик миллатчилардан халос бўлиш” ҳамда Россияга қарши ҳарбий таҳдидни бартараф этишга қаратилган. Ҳужумдан бир кун олдин Москва Украина шарқидаги бўлгинчи ҳудудларни “мустақил давлатлар” деб тан олди. Ташқи ишлар вазирлиги вакилининг айтишича, Россия қўшни давлатни босиб олиш ёки унинг давлатчилигини йўқ қилиш ниятида эмас.
7 март куни Путиннинг матбуот котиби Дмитрий Песков тинчлик музокараларида Москва Киевдан конституцияга бетарафлик бандини киритишни, сепаратистлар суверенитетини тан олишни ва аннекция қилинган Қримга ҳавас қилмасликни талаб қилганини айтди.