Бошқа мавзулар
Ўзбекистонда Уй-жой коммунал хизмат кўрсатиш вазири этиб собиқ ҳарбий тайинланди.
Президент Шавкат Мирзиёевнинг 5 июлдаги фармонига мувофиқ, мамлакат мудофаа вазири собиқ муовини ушбу лавозимни эгаллади.
Музаффар Салиев Ўзбекистон Мудофаа вазирининг шахсий таркиб билан ишлаш бўйича ўринбосари бўлган.
Ўзбекистон Уй-жой коммунал хизмат кўрсатиш вазирлиги шахсан президент Мирзиёев фармони билан апрель ойида ташкил қилинган.
Тафсилотлари видеолавҳамизда – назардан қочирманг.
Коммунал тўловлар ўртача маошнинг неча фоизини ташкил этади?
Ўзбекистонда яна коммунал тўловлар, йўлкира қимматлади
Биринчи вазир Эркин Искандаров нега вазифасидан четлатилгани сабаби расман “бошқа ишга ўтиши муносабати билан” изоҳланган.
Аммо 4 июль куни шахсан президент Шавкат Мирзиёев бошчилиги остида махсус йиғин ўтказилган.
Хабарларга кўра, унда соҳада вазирлик раҳбарияти томонидан йўл қўйилган “жиддий камчиликлар” ҳақида сўз борган.
Худди шу янгилик ортидан, Шавкат Мирзиёев мамлакат куч тизимлари истеъфодаги ходимларини айни шу тизимда ишлашга рағбатлантирувчи янги бир фармойишни имзолаган.
Улар Мудофаа, Ички ишлар, Фавқулодда вазиятлар вазирлиги, Давлат Божхона қўмитаси ва МХХ нафақадаги ходимларини кўзда тутган.
Уй-жой коммунал хизмат кўрсатиш соҳасида ишлашса, нафақалари шу ҳолича сақлаб қолиниши ҳам айтилган.
Президентнинг янги фармойишида айни имтиёзнинг шу йил 1 августидан кучга кириши билдирилган.
Мустақил Ўзбекистон тарихида ҳали бунақа воқеълик кузатилмаган.
Яқинда Халқаро Пресс-клубда бўлиб ўтган йиғинда эса, масъуллар аҳоли ва юридик шахсларнинг коммунал тўловлар бўйича умумий қарз миқдори 5 триллион сўмдан ортишини маълум қилишганди.
http://www.bbc.com/uzbek/uzbekistan-40534180
