Журналист Бобомурод Абдуллаев Андрей Сахаров номидаги “Жасорати учун” нишони билан тақдирланди

26 март 2018 йил соат 15-00 да Жиноий ишлар бӯйича Тошкент шаҳар судида судья Зафар Нурматов раҳбарлигида Ӯзбекистон Республикаси Жиноят Кодексининг 159-моддаси 4-банди билан айбланаётган журналист Бобомурод Абдуллаев, блогер Ҳаётхон Насрединов, тадбиркорлар Равшан Салаев ва Шавкат Оллоёровларнинг суд иши давоми бӯлиб ӯтди.

Судда АҚШ, Россиядан кузатувчилар ва журналистлар иштирок этди. Шунингдек, судда Хьюман Райтс Вотч, «Бирдамлик» Халқ демократик ҳаракати вакиллари ва журналистлари ҳамда бир неча инсон ҳуқуқларини ҳимоя қилиш ташкилоти вакиллари қатнашди.

Судда журналист Бобомурод Абдуллаев Тошкент шаҳридаги МХХ тергов изоляторида ӯзига қӯлланган қийноқлар хусусида дадил ва равон гапириб берди. МХХ ходимлари уни қийнаш учун омбур, қайнатгич, электр токи, дубинка қӯллаганини алоҳида таъкидлади.

Шу билан бирга Бобомурод Абдуллаев МХХ ходимларининг зулм ва зӯравонликларини, шафқатсизликларини, беайб кишидан сохта кӯрсатмалар олиш учун ҳар қандай ишга тайёр эканликларига алоҳида урғу берди.

Суд иши тугагандан кейин журналист Данил Кислов Бобомурод Абдуллаев Андрей Сахаров номидаги “Жасорати учун” нишони билан тақдирланганини эълон қилди ҳамда мазкур нишонни Абдуллаевнинг рафиқаси Қуттиқиз Балхибоевага топширди.

Бобомурод Абдуллаев, Шавкат Оллоёров, Ҳаётхон Насретдинов ва Равшан Салаевларнинг навбатдаги суд иши 28 март куни соат 14-30 да бӯлиб ӯтади.

Муаллифлар: Қаҳрамонхон Маҳмуд, Рӯзибой Азимий

Бўлишинг:

Муҳаррир танлови

Ғарбий африкада 4 йил ичида 14500 киши ҳалок бўлди

Ғарбий Африкада кучайган террор ҳужумлари туфайли 4 йил ичида 14 минг 500 киши ҳалок бўлгани билдирилди. Ғарбий Африка Давлатлари Иқтисодий Ҳамжамияти (ECOWAS) комиссиясининг ...

Қозоғистонда юз берган йтҳда тўрт ўзбекистонлик жабрланди, улардан бири — реанимацияда

19 май куни тахминан соат 18.00да Қозоғистоннинг Манғистау вилояти «Бейнеу-Тажен» автомагистралининг 82-километрида ичида 7 та одам, жумладан 4 нафар Ўзбекистон фуқароси ...

Қорақалпоғистондан қарийб 12 минг киши кўчиб кетди

Қорақалпоғистон Республикасида январь-сентябрь ойларида бошқа ҳудудларга кўчиб кетганлар сони 11 минг 436 кишига етди. Бу ҳақда “Turon24” Қорақалпоғистон статистика ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400