Бошқа мавзулар“Ёшлар – келажагимиз” давлат дастури ижроси доирасида ёш тадбиркорларга ажратилаётган имтиёзли кредитлар янги иш ўринларининг яратилишига замин яратмоқда. Ёшларнинг доимий иш билан таъминланиши уларнинг ўз моддий даромад манбаига эга бўлишида муҳим аҳамият касб этмоқда.
Бухоро шаҳрида давлат дастури доирасида амалий ишлар анча тетиклашди.
Бир неча кун ичида 200 миллион сўмлик имтиёзли кредитни қўлга киритган Фаррух Ёқубов қисқа фурсат ичида умумий овқатланиш шахобчасини ишга туширди. Аввалига ўзи сингари 19-20 ёшли 2 нафар тенгдошини иш билан таъминлаган Фаррух айни кунда 8 нафар йигит-қизга иш имкониятини яратиш учун шартнома имзолади.
Бухоро шаҳрида “Бургер cлуб” номи остида иш бошлаган шахобча ходимлари ўқувчи-ёшларга, аҳолига тез тайёр бўлувчи мазали таомларни етказиб беришмоқда.
– Тадбиркорлик ишимни бошлаш анчадан буён режамда бор эди, – дейди биз билан суҳбатда ёш тадбиркор Фаррух,- лекин ишончсизликми ёки маблағ масаласи сабабми, режаларимни орқага суриб келар эдим. “Ёшлар – келажагимиз” давлат дастури эса мақсадимга эришишимга кўмак берди. Ҳозирда тадбиркорман. Секин-секин ишларим ҳам ривожланяпти. Фаолиятимни янада кенгайтирмоқчиман.
Яна кўплаб тенгдошларимни иш билан таъминлаш ниятим бор. Демакки, ҳали хурсанд бўлишга эрта, олдинда қиладиган ишларим кўп, -дейди ёш тадбиркор.
