Флешмоб давом этади. Яна 6 киши тош кўтариб турди

27 октябрь куни интернетдаги бош мавзу Тошкент вилояти, Оққўрғон туманида ҳокимлик амалдорлари, маҳалла фуқаролар йиғини оқсоқоли ва икки фермер ариқда  тиззасигача сувда тургани тасвирланган сурат бўлди.

Кейинроқ ушбу туман ҳокими Фарҳод Омонов ҳамда унинг ўринбосари, сувга тушганлардан бири Шерзод Муродов воқеага изоҳ беришди. Туман ҳокими «фермерлар ғаллага сув қўймагани аниқлангани, ўринбосар эса ариқда сув борлигини кўрсатиш учун сувга тушгани, қолганлар унга эргашгани» ҳақида гапирди.

Айни вақтда Шерзод Муродов маъмурий ҳуқуқбузарлик учун жаримага тортилган.

Худди шу сурат ортидан иккинчиси пайдо бўлди. Унда ҳам 6 киши тасвирланган. Қишлоқ хўжалиги соҳаси экани кўриниб турган бу кишилар қўлларида катта-катта кесаклар кўтариб олишган. Аввалига ижтимоий тармоқда бу кишилар ҳам сувга тушган одамларнинг ўзи экани ҳақида чалкаш маълумотлар тарқалди.

Лекин бу суратдагилар бошқа одамлар ва воқеа Тошкент вилоятининг бошқа туманида рўй берган.

«Kun.uz» манбаси маълум қилишича, иккинчи сурат Бекобод туманидаги ғалла далаларидан бирида олинган.

Маълум бўлишича, яхши тайёрланмаган майдонга буғдой экилгани аниқланган ва масъуллар шу майдондан топилган улкан кесакларни кўтариб туришга мажбур қилинган. Улар қанча вақт катта кесакларни кўтариб туришгани маълум эмас (Оққўрғондаги 6 киши сувда ярим соатдан кўпроқ қолгани айтилганди, аммо уларнинг ўзи сувда бир дақиқадан ортиқ турмаганини билдиришмоқда).

Юқоридаги икки воқеа ҳам бир кунда, 25 октябрь куни содир бўлган.

Манбанинг тасдиқлашича, бу воқеалар Ўзбекистон бош вазири ўринбосари Зойир Мирзаевнинг Тошкент вилоятига сафари давомида рўй берган. Шу кунларда собиқ қишлоқ хўжалиги вазири, ҳозирда ҳукуматда Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари ахборот-таҳлил департаменти раҳбари ҳисобланувчи Зойир Тойирович Мирзаев ўзига бириктирилган Тошкент вилоятига сафарга чиқмоқда.

Ҳар куни 2018 йилги пахта ҳосилини йиғиб олиш масаласида ўтказилаётган ҳукумат йиғилиши сўнгида ғалла масаласи ҳам кўтарилган, йиғилишга раҳбарлик қилган Зойир Мирзаев барчанинг диққатини Бекободдаги вазиятга қаратган, ғалла майдонидан топилган 6та йирик кесак видеоселекторда иштирок этаётганларга намойиш этилган, ушбу ҳолат учун Бекобод тумани ҳокими Неъмат Абдуллаевга (у сентябрь ойи охирида туманга янги ҳоким этиб тайинланганди) танбеҳ берилган.

Манба:Кун.уз

 

Бўлишинг:

Муҳаррир танлови

Ўзбекистонликлар уч ойда салкам 6 трлн сўм пулни банкоматлар орқали нақдлаштирган

Йил бошидан буён АТМ (банкомат) қурилмалари орқали ўтказилган нақд пул бериш амалиётлари сони 11,3 млн.тани, миқдори эса 5 трлн 939 327 млн. сўмни ташкил этди. Бу ҳақда Ягона ...

Сомалилик болалар шошилинч ёрдамга муҳтож

Бирлашган Миллатлар Ташкилотининг Болалар жамғармаси (ЮНИСEФ) Сомалидаги қурғоқчиликдан жабр кўрган 1,4 миллион болага шошилинч ёрдам кўрсатишга чақирди. ЮНИCEФ томонидан ...

Осон эмас мусофирга, осон эмас…

Россияга ўйнагани борган эмас, Руслар кулиб уни кутиб олган эмас, Чин айтяпман, айтганларим ёлғон эмас Осон эмас мусофирга, осон эмас... *** Мусофирлик нималигин борган ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400