Яйра Абдуллаева 88 ёшида вафот этди

Бугун ўзбек театрининг таниқли намояндаси – Ўзбекистон халқ артисти Яйра Абдуллаева 88 ёшида вафот этди. Бу ҳақда “Қўшни маҳалла”  телеграм канали ёзмоқда.

1930 йилда Тошкентда таваллуд топган актрисанинг санъат оламига кириб келиши бежиз бўлмаган. У ўзбек лапарчилик ва қўшиқчилик санъатининг тамал тошини қўйган ижодкор Тамарахонимнинг жияни эди.

1944-1945 йилларда Гавҳар Раҳимова бошчилигидаги хотин-қизлар ансамблида фаолият бошлаган Яйра Абдуллаева 1950 йилда ҳозирги Ўзбекистон давлат санъат ва маданият институтини тугатган ва шу йилдан Ўзбек Миллий академик драма театрида иш бошлаган.

Яйра Абдуллаева кўплаб саҳна асарларида бош ролларни ижро этган. Жумладан, “Қутлуғ қон”да Гулнор, “Бой ила хизматчи”да Гулбаҳор, “Мирзо Улуғбек”да Гавҳаршодбегим каби образларни етук ва профессионал даражада ижро этиб, ўзбек театр санъати тарихида ўчмас из қолдирган.

Яйра Абдуллаева 1964 йилда Ўзбекистон халқ артисти унвони, 1998 йилда “Дўстлик” ордени, 2011 йилда “Эл-юрт ҳурмати” ордени билан тақдирланган.

Марҳуманинг оила аъзолари ва яқинларига чуқур ҳамдардлик билдирамиз.

Бўлишинг:

Муҳаррир танлови

Туркманистон шимолида диндорлар сўроқ қилинмоқда ва соқолларини олиб ташлашга мажбурланмоқда

Дашўғуз хавфсизлик хизмати ходимлари диндорларни сўроқ қилмоқда ва улардан ибодатлар – намоз ўқишлари тўхтатилишини талаб қилмоқда. Бу ҳақда “Озодлик” радиосининг Дашўғуздаги ...

Закот ва фитрни энди мобил телефони ва интернет орқали тўлаш мумкин

Click ширкати “Вақф” меҳр-мурувват жамғармаси билан ҳамкорликда ҳайрия, вақф, закот, фитр, ушр, фидя тўловларини Интернет ва уяли алоқа тизими орқали амалга ошириш тизимини ...

Кимга нақд пул керак бўлса, банкка мурожаат қилсин

Тез орада Ягона умумреспублика процессинг маркази (UzCard) тўлов тизимидаги узилишлар бартараф этилади. Бу ҳақда Марказий банк расмий баёнот билан чиқди, - дея Халқ сўзи ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400