ИСЛОМ ПОЛВОН

ИСЛОМ ПОЛВОН, Исломқул Султонқулов (?—Қўқон—1923) — Фарғона водийсида Совет тузумига қаршилик кўрсатиш ҳаракатининг бош қўмондони (1923). Мутасаввиф шайх ва полвон сифатида Фарғонада машҳур бўлган. Туркистон мустақиллиги учун чор Россиясига қарши кўтарилган ғалаёнларда қатнашган (1909—16). Ислом полвон раҳбарлигида Қўқон ва Ўш уездларидаги Қорабой, Мирза Умар, Эшмат бойвачча, Мадумар ва Мадали лашкар-бошилар, Ҳожихон Тўра ва б. қўрбошилар ҳаракат қилган. 1921—22 й. ларда у Шермуҳаммадбекнинг ўринбосари эди. 1923 й. 1 январьда Шаҳрихонда бўлган қурултойда Фарғона водийсида Советларга қарши ҳаракатни бошқариш ва қўрбошилар фаолиятини ягона мақсад сари йўналтириб туриш унинг зиммасига тушди. Бу пайтда Ислом полвон қўл остида 8000 йигит ва 200 дан ошиқ қурбошилар тўпланган. Унинг энг яқин ёрдамчилари Қорабой қўрбоши ва Ёрмат махсум эди. Бир қатор муваффақиятли жанг ҳаракатларидан сўнг у Сўх атро-фидаги жангда енгилади (1923 й. авг.) ва тоққа чиқиб кетади. Бироқ Марғилонга қайтиб, яна курашни давом эттиради. 1923 й. 3 окт. да Ислом полвон қизиллар томонидан асирга олинади ва 1923 й. дек. да Туркистон ҳарбий трибунале сайёр гуруҳи томонидан (Қўқонда) отиб ташланади.

Манба:ЎзМЭ

Бўлишинг:

Муҳаррир танлови

Гулнора каримова колонияда оила аъзолари билан учрашди

Гулнора Каримованинг оила аъзолари унинг колонияда сақланаётгани борасида эътироз ва шикоятлар билдирмади. Бу ҳақда Адлия вазирлигига таяниб “Дарё” нашри маълум қилди. ...

Жаҳонгир ортиқхўжаев: «мен ҳам қийналяпман, мендан кейингилари ҳам қийналади»

“Тадбиркорларга, аҳолига ер ажратиш энг қийин, муаммоли ва оғриқли масала. Буни депутатларнинг маҳаллий кенгашлари ваколатига ўтказиш керак”. Бу ҳақида Тошкент шаҳар ҳокими ...

Мамлакатни ким бошқараяпти? (16)

                                                   (ўн олтинчи мақола)                                            ЎзТВНИ КИМ КЎРАЯПТИ  ЎЗИ?..   Ҳа, бугун шунчаки оддий, ...