Тўқаев январдаги зўравонликлар бўйича халқаро суриштирув ўтказилишига қарши

Қозоғистон президенти Қосим-Жўмарт Тўқаев 29-январда йил бошидаги қонли инқироз юзасидан халқаро тергов ўтказиш таклифини рад этди.

 

“Менимча, Қозоғистонда халқаро тергов ўтказишга ҳожат йўқ. Ўзимизнинг ҳалол ва иқтидорли одамларимиз бор”, — деди Тўқаев “Хабар-24” телеканалига берган интервьсида.

Эслатиб ўтамиз, Европарламент Қозоғистон халқига қарши жиноятларни халқаро тергов қилиш бўйича резолюцияни қабул қилган. Ушбу резолюцияни Тўқаев  “бир томонлама ва эрта” деб атади ва “бу мени хавотирга солмайди” дея таъкидлади.

2-январь куни Қозоғистоннинг Олмаота, Ақтау ва Жанаўзен шаҳарларининг аҳолиси суюлтирилган газ нархини пасайтириш талаби билан норозилик намойиши ўтказган эди. Тинчлик митинги бутун Қозоғистон жанубига тарқалди ва охир-оқибат тартибсизликка айланган.

Тўполон пайтида Қосим-Жўмарт Тўқаев Назарбоев ва унинг ишончли одамларини ишдан бўшатди. Шу билан бирга, Қозоғистон президенти мамлакатга 20 минг террорчи ҳужум қилганини айтиб, хавфсизлик кучларига огоҳлантирмасдан ўқ узишни буюрган ва КХШТга аъзо давлатлардан ҳарбий ёрдам сўраган.

Қозоғистон давлат прокурори  террорчилик ва тартибсизликларда айбланиб, 450 дан ортиқ одам ҳибсга олинганини ва улар тергов қилинаётгани айтмоқда.

Бўлишинг:

Муҳаррир танлови

Кореяда велосипед ўғирлаган ўзбекистонлик талабалар қўлга олинди

Ўзбекистоннинг Сеул шаҳридаги элчихонасининг консуллик бўлими чет эллик талабалар, жумладан, икки нафар Ўзбекистон фуқароларининг велосипедлар ўғирлагани ва Чонжу шаҳри ...

Путиннинг охирги 6 йилдаги даромадларини эълон қилинди

Россия Марказий сайлов комиссияси ҳозирги президент ва президентликка номзод Владимир Путиннинг охирги олти йилдаги даромади тўғрисидаги маълумотларни маълум қилди. Бу ҳақида ...

Қозоғистонлик энг бадавлат шахснинг бойлиги аҳолини атиги 33 кун боқишга етади

Bloomberg агентлигининг хабар беришича, энг бадавлат фуқаролар ўзларининг ҳукуматларини қанчалик узоқ муддат молиялаштира олади, деган саволга жавоб излади. Янги кўрсаткич ...