Бошқа мавзуларАфғонистонда ҳокимиятни қўлга олган «Толибон» мамлакатни тарк этган ўқитувчиларни қайтишга чақирди. Бу ҳақда Ariana News нашри маълум қилди.
Ҳукумат илмий тараққиётга эришиш учун профессорлар уйларига қайтишлари кераклигини таъкидлади.
“Афғонистон барча этник гуруҳларнинг умумий уйи ва биз уларнинг ривожланиши учун масъулмиз. Шу муносабат билан Олий таълим вазирлиги мамлакатдан чиқиб кетган барча профессор-ўқитувчиларни ватанга қайтишни таклиф этади”, — дейилади баёнотда.
Ҳукумат, шунингдек, янги ўқитувчиларни ишга олиш учун маблағ ажратганини маълум қилдди.
“Ватанини тарк этган кадрларни ватанга қайтишларини, муқаддас фаолиятларини давом эттиришларини ва юртимизнинг илм-фан равнақига ҳисса қўшишларини сўраймиз”, — дея қўшимча қилди Олий таълим вазирлиги.
