Покистонда Қуръонни ёқиб юборган одам тошбўрон қилиниб ўлдирилди

Покистонликлар Қуръонни ёқишда айбланаётган руҳий касал одамни тошбўрон қилиб ўлдиришган.

Маҳаллий полициянинг маълумотларига кўра, олис қишлоқ масжиди ходими бинодан тутун чиқаётганини пайқаган. У яқинлашгач, муқаддас китоб саҳифаларини ёқиб юбораётган одамни кўрган.

Қуръонни ҳақорат қилишда айбланган шахс бир гуруҳ одамлар томонидан қўлга олиниб, тошбўрон қилинган. Унинг жасадини дарахтга боғлаб қўйишган. Воқеа жойида бўлган офицерлар қишлоқ аҳолисини тўхтатишга уринган, бироқ улар ҳам тошбўрон қилинган, бир офицер оғир яраланган.

“Таёқ, болта ва темир калтаклар билан қуролланган аҳоли эркакни ўлдириб, жасадини дарахтга осиб қўйган”, — деди полиция ходими Мунавар Ҳусайн.

Ҳалок бўлган эркак 41 ёшли Муштак Аҳмад экани аниқланган. У қўшни қишлоқда яшарди. Марҳумнинг оиласига кўра, унинг руҳий касаллиги бўлган, охирги 10-15 йил ичида аҳволи яхшиланмаганга ўхшайди.

Расмийларга кўра, қотилликка алоқадор 60 дан ортиқ одам полиция бўлимига етказилган. Уларнинг шахслари қишлоқ аҳолиси томонидан олинган видеода аниқланган.

Покистон Бош вазири Имрон Хон бу иш қонун доирасида кўриб чиқилишини айтиб, қутқарув вазифаларини бажара олмаган полициячиларни жавобгарликка тортишга чақирди.

“Ўзбошимчалик билан суд қилганлар қонун билан жазоланади. Ўз қарорини ўзи қабул қилганлар кечирилмайди “, деди у ўз баёнотида.

Бўлишинг:

Муҳаррир танлови

«украинлар – қаҳрамон халқ»

Украина президенти Владимир Зеленский Украинанинг кутишга вақти йўқлигини айтиб, Ғарбдан Россия нефть экспортига эмбарго жорий қилишни сўради. Украина-Россия урушининг ...

Таҳририят журналистининг маоши нимага ҳам етсин?

Бугунги кунда интернет сайтларида турли соҳаларда фаолият кўрсатаётган ходимларнинг ойлик маоши камлиги ва бу оиласини боқишга етмаётганлиги ҳақида аниқ фактларга таянган ...

Ўзбекистон банкларда долларни сотиш курси 9200 сўмга етди

Ўзбекистон тижорат банклари хорижий валютани сотиш ва сотиб олиш курсини яна оширишди. 19 августдан бошлаб қатор банклар долларни 9150 сўмдан, еврони 10 510 сўмдан сотиб ...