Медведев Финляндия ва Швеция НАТОга қўшилса, оқибати ёмон бўлишидан огоҳлантирди

Россия Хавфсизлик кенгаши раиси ўринбосари Дмитрий Медведев Финляндия ва Швеция НАТОга қўшилса, “Болтиқбўйининг ядро қуролидан холи ҳудуд деган мақоми тўғрисидаги гап бўлиши мумкин эмас”, деди. Бу ҳақда собиқ президент 14-апрель куни Телеграм каналида ёзди.

Унинг сўзларига кўра, “Россиянинг расман рўйхатга олинган душманлари сони ортади”, шунинг учун мамлакат Финляндия кўрфазидаги қўшинларини кучайтириши ва қўшимча бўлинмаларни жойлаштиришига тўғри келади.

Россия расмийлари шу кунгача икки давлатнинг иттифоққа қўшилиш эҳтимолига салбий муносабат билдирган бўлса-да, Медведев биринчи бўлиб Москванинг аниқ қадамларини тилга олди.

 Бир кун аввал Финляндия Бош вазири Санна Марин Хельсинки «яқин ҳафталарда» НАТОга аъзо бўлиш чораларини кўриши мумкинлигини маълум қилган эди. Швеция Бош вазири Магдалена Андерссон Россиянинг ҳужумидан кейин Украинада катта сиёсий ўзгаришлар кутилаётганини, хавфсизликнинг ҳозирги ҳолати муҳокама қилинишини таъкидлади. Аввалроқ Швеция альянсга қўшилиш имкониятини кўриб чиқаётгани хабар қилинган эди.

Россиянинг Украинага бостириб кириши ортидан ҳарбий блокларга қўшилмаслик сиёсатини олиб бораётган икки давлатда жамоатчилик фикри кескин ўзгарди, кўпчилик НАТОга аъзо бўлишни қўллаб-қувватлай бошлади.

Баъзи маълумотларга кўра, Хельсинки ва Стокгольм шу йилнинг ёз ойида ариза топшириши мумкин.

Россия билан 1340 километрлик чегарадош бўлган Финляндия қонунчилари ҳафта охирида НАТОга қўшилиш масаласини махсус ҳисобот эълон қилинганидан сўнг муҳокама қилмоқчи.

Бўлишинг:

Муҳаррир танлови

Ўзбекистонликлар россияда 15 кун рўйхатдан ўтмасдан юришлари мумкин

Ўзбекистон фуқароларининг Россияда рўйхатдан ўтмасдан қолиш муддати 7 кундан 15 кунгача давом этади. Россияликлар ҳам Ўзбекистонда худди шундай режим билан юришлари мумкин. ...

Бмт гўшт истеъмолини камайтиришга чақирмоқда

БМТ инсониятга гўшт истеъмолини камайтиришга бунинг ўрнига эса мева-сабзавот истеъмол қилишни кўпайтиришга чақирмоқда. Бу иқлим ўзгариши жараёнларининг олдини олишга ёрдам ...

Қисқа муддатда атамбаевнинг сочлари оқариб кетди – оав

Арашан қишлоғига Ҳайит намозига ташриф буюрган Қирғизистоннинг собиқ президенти Алмазбек Атамбаев ўйчан эди. Камига, сочлари оқариб кетганди (more…)