Туркманистоннинг собиқ президенти Турк кенгашининг оқсоқоли бўлди

Туркманистоннинг собиқ президенти Гурбангули Бердимуҳамедов турк тилли мамлакатлар оқсоқоллари кенгашига аъзо бўлди. Бу ҳақда ташкилот сайтида маълум қилинди.

ТуркманистоннингХалқ Маслаҳати Буюк Мажлиси раиси Гурбангули Бердимуҳамедов Туркманистон номидан Турк кенгашининг Оқсоқоллар кенгашининг расмий аъзоси бўлди. Турк тилли давлатлар кенгаши Бердимуҳамедовнинг Оқсоқоллар кенгашига аъзо бўлиши ташкилотнинг қадриятларига ҳисса қўшади, деб ҳисоблайди.

Эслатиб ўтамиз, Туркманистон 2021-йил ноябрь ойида Турк кенгашга кузатувчи сифатида қабул қилинган.