29-июнь куни Украина жанубидаги Николаев шаҳрида Россия кучларининг ҳаво ҳужуми оқибатида камида уч киши ҳалок бўлди. Шаҳар мэри Александр Сенкевичнинг сўзларига кўра, Россиянинг саккизта ракетаси шаҳарга зарба берган. Улардан баъзилари ҳатто тинч аҳоли яшайдиган кўп қаватли уйга ҳам келиб тушган.
Интернетга жойлаштирилган суратларда тўрт қаватли бинонинг томи қисман вайрон бўлгани ва бинодан тутун чиқаётганини кўриш мумкин.
Россия Мудофаа вазирлиги Николаев шаҳри яқинидаги хорижий ҳарбий ўқув базасига зарба берганини маълум қилди.
Николаев – Қора денгиз соҳилида жойлашган порт шаҳар. Шаҳардаги аскарлар рус армиясининг Одесса томон ҳаракатланишига кескин қаршилик кўрсатиб келмоқда.
Икки кун аввал Россия кучлари Украинанинг Кременчуг шаҳридаги савдо марказига берган зарбасидан, камида 18 кишини ҳалок бўлиб, ўнлаб одамлар эса бедарак йўқолган эди.