Ўзбекистон парламенти Қорақалпоғистон суверенитетини сақлаб қолиш тўғрисида қарор қабул қилди

Йигирмага яқин одам ҳалок бўлган оммавий тартибсизликлардан сўнг Ўзбекистон парламенти Конституциянинг янги лойиҳасида Қорақалпоғистоннинг суверен мақомини ўзгаришсиз қолдиришни қўллаб-қувватлади. Бу ҳақда 4-июль куни парламент ахборот хизмати хабар берди.

«Ўзбекистон Президенти Қорақалпоғистон Жўқўрқу Кенгеси депутатлари ва жамият вакиллари билан учрашар экан, барча таклифлар эътиборга олиниши лозимлигини таъкидлади. Хусусан, Ўзбекистон Республикасининг 70, 71, 72, 74 ва 75-моддалари ўзгаришсиз қолади», — дейилади баёнотда.

Қорақалпоғистонда норозиликларнинг бошланишига Конституциянинг янги таҳрири жамоатчилик муҳокамасига қўйилган сабаб бўлган.

Амалдаги Конституцияда Қорақалпоғистон Ўзбекистон таркибидаги «суверен республика» сифатида тасвирланган. Унинг мақоми Ўзбекистон томонидан ҳимоя қилиниши ёзилган. Бироқ янги таклиф этилаётган конституциявий тузатишлар лойиҳасидан бу тавсифлар олинган.

1-2 июль кунлари республика маркази Нукус шаҳрида минглаб одамлар иштирокида ушбу ўзгаришларга қарши оммавий акциялар бўлиб ўтди. Уларнинг айримларида намойишчилар куч билан тарқатилганини кўриш мумкин.

Айрим лавҳаларда хавфсизлик кучлари томонидан қурол қўллангани ҳам кўрсатилган. Бироқ, бу кадрлар қанчалик реал эканлигини тасдиқлашнинг иложи йўқ.

4-июлда Бош прокуратура тартибсизликларда 18 киши ҳалок бўлганини маълум қилди. Ярадорлар сони 200 дан ошди. Айрим маълумотларга кўра, мингдан ортиқ одам жароҳатланган.

Бўлишинг:

Муҳаррир танлови

Ўзбекистонда евро курси 10421,13 сўм доллар эса 9411,3 сўм бўлди 

Марказий банк 17 сентябрдан эътиборан хорижий валюталарнинг ўзбек сўмига нисбатан янги қийматини белгилади. Ўтган ҳафтадаги қиймат билан солиштирганда, долларнинг расмий ...

Президент халқ дарди билан яшаши керак !.

Мен хайвон эмасман, мен ақлли мавжудод бўлган инсон сифатида ўз фикримни ҳар доим билдиришга хақлиман !!!. Президент халқ дарди билан яшаши керак !. Ҳа бизнинг президентимиз ...

Жияним «алифбе»ни ўрганмаса бўларкан

Жияним мактабга чиқиб «Алифбе»ни ўргана бошлади. Қўлига нима тушса, ўқийди. Қишки таътил кунлари уни бир хурсанд қилиш мақсадида истироҳат боғига олиб бордим. Кейин эса ...