Тошкент бизнес учун энг яхши шаҳарлар рейтингида Олма-Ота, Бишкек ва Душанбедан ҳам орқада экан

 

Тошкент    Forbes журналининг Россия нашри россияликлар учун бизнес юритиш бўйича энг қулай бўлган собиқ совет иттифоқи шаҳарлари рейтингини эълон қилди. Podrobno.Uz’нинг ёзишича, бунга нафақат аҳолининг тўлов қобилияти ва солиқ юки, шунингдек, виза режими, рус тилининг мақоми, норезидент учун компанияни рўйхатдан ўтказиш шартлари ҳам ҳисобга олинган.

МДҲ, Болтиқбўйи давлатлари ва Грузияда фаолият олиб борувчи россиялик ишбилармонларнинг тажрибаси асосида ташкил этилган 20 шаҳар аро ўтказилган рейтингда Ўзбекистон пойтахти Тошкент 18-ўринни эгаллаган.

Кучли учликдан Беларусь пойтахти Минск, Эстония пойтахти Таллин ва Литва пойтахти Вильнюс ўрин олган. Қозоғистоннинг «икки пойтахти» – Олма-Ота ва Остона рейтингда, мос равишда, 4- ва 5-ўринларни банд этган. Россия тадбиркорлари 6-ўринни Ригага, 7-ўринни эса Киевга муносиб деб топишди.

Биринчи ўнликни Кавказ пойтахтлари – Ереван (8-ўрин), Тбилиси (9) ва Боку (10) тўлдириб берган. Ундан кейинги ўринларни Харьков (11), Бишкек (12), Одесса (13), Донецк (14), Днепропетровск (15) эгаллашган.

Рейтингнинг сўнгги ўринларини Кишинёв (16-ўрин), Душанбе (17), Тошкент (18) ва Ашхобод (19) шаҳарлари забт этишган. Москва ушбу рейтингда индикатор вазифасини бажарди.

Forbes’нинг ёзишича, Тошкент, умуман Ўзбекистонда) кузатиладиган асосий муаммолардан бири — етказиб берилган маҳсулотлар учун тўловлар 6-9 ойлаб мунтазам равишда кечиктирилади. Божхона билан боғлиқ муаммолар ҳам етарлича. Хусусан, «Хёнде Мотор Мануфактуринг Рус» компанияси 2011 йил ёзида 110та автомобиль етказиб бериб, фақат бир йилдан сўнг божхона расмиятчиликларидан қутилган. Россия савдо-саноат палатасининг қайд этишича, Ўзбекистон бозорига кириш «сиёсий қўллаб-қувватлаш зарурияти мавжудлиги сабаб қийинроқ».

Мулкдор хабар маркази

Бўлишинг:

Муҳаррир танлови

Қашқадарёда “снос” сабабли 436 нафар тадбиркор ўз фаолиятини тўхтатди

Қашқадаёрда "снос"лар тадбикорлик фаолиятига ҳам жиддий зарар етказган. Бу ҳақда EVERYDAY.UZ ёзмоқда.  Жорий йил 27 август куни Сенат раиси Танзила Норбоева Қашқадарёга ...

Жиззахлик фермер миб томонидан бир гилами олиб қўйилгани учун ўзини ўлдириб олган

Жиззахда фермер ўз жонига қасд қилди. Ижтимоий тармоқларда бунга МИБ томонидан мол-мулки мусодара қилингани сабаб қилиб кўрсатилганди. Прокуратура эса унинг бор-йўғи битта ...

Қозоғистонлик ишлаб чиқарувчилар “шакар импорти чекланишидан” ташвишга тушмоқда

Қозоғистон Кондитерлар ассоциацияси ва Алкоголсиз ичимлик ишлаб чиқарувчилар Ассоциацияси баёнот бериб, Евроосиё Иқтисодий Иттифоқ ҳудудларига шакар олиб кирилишини чеклаш ...