Мирзиёевга 100% овоз берган деновликлар дардини ким эшитади?

 

 

​”Мен сизларга Сурхондарё вилояти Денов шаҳридан ёзмоқдаман. Бизда жуда кўп муаммо йиғилиб қолган. Шу масалада сизларга шикоят қилмоқчиман.

Йўлларимизга 30 йилдан ошган, ҳатто 100 метр текис йўл қолмаган. Бироқ, ҳар куни ёқилғига қўшиб йўл солиғини минглаб маротаба тўлаймиз. Оддий одам ҳам биладики ҳар литр ёқилғига йўл солиғи солинган. Ёқилғидан тушган йўл солиғига йўлларга асфальт эмас, балки мармар ётқизса бўлади.

Яқинда бир қизиқ воқеа бўлди. “Президент келар экан” деб, бозор атрофидаги йўлларни 10-12 соатда асфальт қилишди. Лекин хурсандчилик узоққа бормади.

8-10 кун ўтгач ҳалиги асфальт ўзидан ўзи йўқ бўлиб, ундан баттар йўллар бузилиб, айрим жойлари эски асфальтга ёпишиб, баланд паст бўлиб, одамнинг хўрлиги келиб кетади. Бу қандай замон бўлди? Нега бизнинг шаҳарчамиз гумбаз остида? Нега бизларни ҳеч ким эшитмайди? Шаҳардан кўп инсон порталга ёзди, лекин ҳеч нима ўзгармади. Агар билсангиз, сайловда бизнинг Денов аҳолиси 100% фоиз президентга овоз берган.

Кўп нарсалар ҳукуматдан яширилади. Негаки, Деновда катта бозорлар кўплиги туфайли бутун Сурхондарё вилоятидан Деновга оптовый юк олиш учун келишади. Денов тадбиркорлари Хитойдан ва Туркиядан кечаю-кундуз бозорларимизга фураларда ва вагонларда кўп юк олиб киради. Солиқда, кадастирда, милицияда, горгазда, шифохонада ишлайдиган танишларим бор. Бу дўстларим гапирган гапларини эшитиб, ҳайрон қоламан. Ҳаммаси пора ва соққа қилгач, юқоридаги катталарига узатиб турмаса, ишлашга беришмас экан.

Бир нарсага кўп маротаба гувоҳ бўлганман. Бизда катта деҳқон бозорида жуда катта дўконлар кўп. Биламанки ҳар ойда жуда катта бозор қилиб, 2та қўй, тандиргўшт қилиб, 10-12 минг доллар йиғишиб, Тошкентга таксилар орқали почта қилишади. Сабаби, 10 йилдан бери бизда деҳқон бозори қурилади. Жой берилган бозор қуриш учун, лекин ҳар гал қурилиш тўхтатилади. Негаки, бизнинг деҳқон бозор шахсий тадбиркорларники. Ҳар ой пул йиғилади бозор бузилмаслиги учун, бу пуллар ўзаро Сурхондарёда бўлинади”.

http://www.ozodlik.org/a/sizdan-telegram-denov-muammolar/28414377.html

Бўлишинг:

Муҳаррир танлови

Усмонов самолёти мирзиёев учун ижарага олингани билдирилди

"Ўзбекистон ҳаво йўллари" ширкати россиялик миллиардер Алишер Усмоновнинг Airbus 340 M-IABU самолёти  Ўзбекистон президентининг расмий самолёти  сифатида узоқ масофага ...

Инсоннинг ҳайвончалик қадри қолмаётирми?

Ҳукумат шу кунгача ярим миллиондан кўп фуқаролиги бўлмаган шахсларга Ўзбекистон фуқароси паспортини қачонгача бериб тугатиши ҳақида ҳеч қандай билдирги бермади. Аммо ...

Қирғизистонда 14 ёшдаги кикбоксчи рингда тўсатдан вафот этди

Қирғизистоннинг Тўқмоқ шаҳрида 17-19 август кунлари кикбоксинг бўйича халқаро мусобақа ўтказилаётганда Қирғизистоннинг Ўш вилоятидан келган 14 ёшдаги спортчи вафот этди. Бу ...